Министр Айдаров: Алматы — Чолпон-Ата жолунун курулушу качан башталары белгисиз

© Пресс-служба правительства / Сабыр АильчиевТранспорт жана жолдор министри Замирбек Айдаровдун архивдик сурөтү
Транспорт жана жолдор министри Замирбек Айдаровдун архивдик сурөтү - Sputnik Кыргызстан
Жазылуу
Эгер бул жол аяктап калса, Алматыдан Чолпон-Атага чейинки аралык 250-260 чакырым болуп калмак. Азыр Бишкек аркылуу каттам 460дай чакырымды түзөт.

БИШКЕК, 23-сен. — Sputnik. Кемин районунун аймагы аркылуу өтө турчу Алматы — Чолпон-Ата жолу качан аяктары азырынча белгисиз экенин транспорт жана жолдор министри Замирбек Айдаров "Өнүгүү — Прогресс" фракциясынын жыйынында билдирди.

Министр депутаттардын суроолоруна жооп берип жатып, бул боюнча өз оюн төмөнкүчө түшүндүрдү.

"Биз бир көпүрө салып, бир чакырымдык жолго асфальт бетон төшөөбүз керек. Калган бөлүгүн казак тарап өзүнө алган. Азыр алар долбоорду каржылоо булагын аныктап жатышат. Алар мамлекеттик жеке өнөктөштүк негизде ишке ашырууну сунуштап жатышат. Мен министр болуп келгенден кийин бул маселе көтөрүлө элек. Бул боюнча иштер качан башталарын билбейм", — деди ал.

Жолдогу чуңкурлар, архивдик сүрөт - Sputnik Кыргызстан
Кытай грантына Бишкектеги жана жаңы конуштардагы 49 көчө эки жылдын ичинде оңдолот
Эске салсак, Казакстандын мурдагы премьер-министри Кыргызстанга 2015-жылы июль айында жасаган сапары учурунда аталган жолду салууну тездетүү боюнча мамлекеттик органдарга тапшырма бергени маалымдалган. Аталган жолдун аралыгы 250-260 чакырым болот. Азыр Бишкек аркылуу баруу 460дай чакырымды түзөт.

"Өнүгүү — Прогресс" фракциясынын депутаттары аталган жол 2017-жылы май айында иштеп баштайт деп мурда пландалганын айтышты.

Жаңылыктар түрмөгү
0