Москвадагы өрттөн каза болгондордун элесине арнап мэрия зараң багын тигет

© AFP / VASILY MAXIMOVӨрт чыккан москвадагы "Печатный экспресс" басмаканасы
Өрт чыккан москвадагы Печатный экспресс басмаканасы - Sputnik Кыргызстан
Жазылуу
27-августта Москвадагы "Печатный экспресс" басмаканасында өрт чыгып, андан 14 кыргызстандык кыз-келин жана россиялык үч аял каза болгон.

БИШКЕК, 20-сен. — Sputnik. Бишкек шаарынын мэриясы Москвадагы басмаканада чыккан өрттөн каза болгон кыргызстандык кыз-келиндердин жаркын элесине арнап зараң багын тигет. Бул тууралуу мэриянын маалымат кызматы билдирди.

Эскерте кетсек, 27-август күнү Москвадагы "Печатный экспресс" басмаканасында өрт чыгып, андан 14 кыргызстандык кыз-келин жана россиялык үч аял каза болгон.

Маалыматка ылайык, мэриянын жана жарандардын демилгеси менен 18 даана зараң багы Бакаев жана Айни көчөлөрүнүн кесилишиндеге скверге отургузулат.

Москвадагы Печатный экспресс басмаканасында өрт. Архив - Sputnik Кыргызстан
Москвадагы өрт: басмакана директоруна карата 30 иш козголду
Бул скверде Бишкек шаарынын вице-мэри Эркинбек Исаков, Ленин районунун акими Нурдин Тынаев шаардык демилгелүү топтун мүчөлөрү Нурия Чойбаева жана Нуриля Чекировалар менен жолукту. Аталган топ социалдык тармактар аркылуу Бишкекте Москвада каза болгон кыз-келиндердин жаркын элесине арнап аллея ачууну сунушташкан. Демилге интернет колдонуучулары арасында колдоо тапкан.

Бишкек мэри Албек Ибраимов бул сунушту колдоп, шаардын тийиштүү кызматтарына бак отургузуу үчүн атайын жер бөлүп берүүнү тапшырган болчу.

Зараң багы 22-октябрда отургузулат. Ага кеткен бардык чыгымды мэрия өзүнө алган. Демилгелүү топ эстелик ташын орнотот. Иш-чарага каза болгон кыз-келиндердин туугандарын алып келүү үчүн да каражат топтолгон.

Жаңылыктар түрмөгү
0