Текебаев Атамбаевдин жеринин аянтын туура эмес айтканы үчүн кечирим сурады

© Sputnik / Табылды Кадырбеков"Ата Мекен" фракциясынын лидери Өмүрбек Текебаев маалымат жыйынында
Ата Мекен фракциясынын лидери Өмүрбек Текебаев маалымат жыйынында - Sputnik Кыргызстан
Жазылуу
Эл өкүлү керек болсо Атамбаев үй салып жаткан жерден беш сотых жер алып, жанына там саларын белгиледи.

БИШКЕК, 19-сен. — Sputnik. "Ата Мекен" фракциясынын лидери Өмүрбек Текебаев буга чейинки маалымат жыйында президент Алмазбек Атамбаевге тиешелүү жер тилкесинин аянтын туура эмес айтып алганы үчүн кечирим сурады. 

Бишкек шаарынын мэри Албек Ибраимов. Архив - Sputnik Кыргызстан
Мэр Ибраимов: Өмүрбек Текебаевди сотко берүүнү ойлонуп жатам
Эскерте кетсек, ал өлкө башчы учурда Кой-Таш айылына азыркы мэр Албек Ибраимовдун аялынан алган 27,5 гектар жерге үй салып жатканын айткан. Кийин бул тилкенин аянты 2,7 гектар экени маалымдалган.

Текебаев бул жерди президентке саткан Анара Ибраимова мындай ири суммадагы келишимди түзгөнү үчүн мамлекетке салык катары 700 миң сом төлөшү керектигин белгиледи. 

"Ушул убакка чейин Ибраимова түшкөн каражаттан мамлекетке салык катары 700 миң сом төлөп-төлөбөгөндүгү боюнча маалым кат көрсөтө элек", — деди ал. 

Эл өкүлү керек болсо Атамбаев үй салып жаткан жерден беш сотых жер алып, жанына там саларын кошумчалады.

Текебаев ошондой эле ага маалыматты берген киши 27,5 гектар жер деп туура эмес маалымат берип алганын айтып, ал үчүн кечирим сурады.

Жаңылыктар түрмөгү
0