Разаков: Өзбекстан КР жарандарын бошотууда эч кандай шарт койгон жок

Жазылуу
22-августта макулдашылбаган чек ара аймагына (Үңкүр-Тоо) Өзбекстандын тик учагы укук коргоо органынын жети мүчөсү менен келип конгон. Алар кыргызстандык төрт жаранды кармап, аларды 17 күндөн кийин бошотту.

БИШКЕК, 9-сен. — Sputnik. КР жарандарын бошотууда Өзбекстан Кыргызстанга эч кандай шарт койбогонун вице-премьер Жеңиш Разаков журналисттерге билдирди.

Үңкүр-Тоо боюнча кырдаалды чек арачылардын сүйлөшүүлөрү. Архив - Sputnik Кыргызстан
Өзбекстан кармап кеткен жаранды үйүнөн туугандары башынан суу айлантып тосуп алды
Белгилей кетсек, үстүбүздөгү жылдын 22-августунда такталбаган чек арага Өзбекстандын тик учагы келип конгон. Ал эми 24-августта Үңкүр-Тоодогу телемунаранын кызматкерлери Өзбекстандын Яңги-Курган РИИБине алып келинген.  

Өзбекстандын президенти Ислам Каримов каза болуп, аза күтүүгө байланыштуу кармалган кыргызстандыктарды бошотуу боюнча сүйлөшүүлөр убактылуу токтотулган эле. Кармалып кеткен КР жарандары бүгүн түнү бошотулган

"Бошотуу үчүн эч кандай шарттар коюлган эмес. Биздин жарандарды кармап кетүү мыйзамсыз болгон, биз башынан эле аларды бошотууну талап кылганбыз", — деди Разаков.

Анын айтымында, аларга айып пул салынмак түгүл кылмыш иши да козголгон эмес.

"Алар биздин жарандарды телемунарадан алып кетишкен. Ушу күнгө чейин мыйзамсыз кармпап келишти. Биздин жарандар эч кандай чек араны бузуп өткөн эмес", — деди ал.

Вице-пермьер Үңкүр-Тоо боюнча сүйлөшүүлөр уланып жатканын кошумчалады.

Жаңылыктар түрмөгү
0