Милиция Эгемендүүлүк күнүндө коомдук тартипти сактоого даяр

© Sputnik / Табылды КадырбековАла-Тоо аянтындагы милиция кызматкери. Архив
Ала-Тоо аянтындагы милиция кызматкери. Архив - Sputnik Кыргызстан
Жазылуу
Борбордук Ала-Тоо аянты тыкыр көзөмөлгө алынат.

БИШКЕК, 30-авг. — Sputnik. Эгемендүүлүктүн 25 жылдыгына карата боло турчу майрамдык иш-чарада жарандардын коопсуздугун 3 миңден ашык милиция кызматкери көзөмөлдөй турганын ИИМдин маалымат кызматы билдирди.

1500 аскер Кыргызстандын гимнин ырдашты. Майрамдык парадга болгон даярдык - Sputnik Кыргызстан
1500 аскер Кыргызстандын гимнин ырдашты. Майрамдык парадга болгон даярдык
Учурда милициянын атайын кызматтары тарабынан коомдук-саясый абал дыкат иликтенип, тийиштүү чаралар көрүлүүдө.

ИИМдин өкүлдөрү диний жана коомдук кыймылдардын лидерлери менен жолугуп, мыйзамсыз аракеттерди жасабоо боюнча маселелер талкууланган.

Ошондой эле чет элдик диний миссионерлерди аныктоо үчүн темир жол бекеттери, аэропорттор, мейманкалар текшерилүүдө.

Борбордук аянтка көрүүчүлөр атайын көзөмөл өткөрүү жайларынан текшерилип, анан киришет. ИИМ коопсуздук үчүн көрүлүп жаткан чараларга түшүнүү менен мамиле кылууга чакырат.

31-августта Бишкек шаарындагы бир катар жолдорго таңкы саат 6.00дөн түнкү саат 12.00гө чейин чектөө киргизилет.

  • Ала-Тоо аянты;
  • Чүй проспектиси — Тыныстанов көчөсүнөн Тоголок Молдого чейин;
  • Абдымомунов көчөсү — Панфилов көчөсүнөн Эркиндик проспектисине чейин;
  • Киев көчөсү — Тыныстанов көчөсүнөн Тоголок Молдого чейин;

Аскердик техника өтүү учурунда чектөө киргизиле турчу жолдор:

  • Чүй проспектиси — Чолпон-Ата көчөсүнөн Тоголок Молдого чейин;
  • Чүй проспектиси — Тоголок Молдо көчүсүнөн Фучикке чейин;
  • Дэн Сяопин проспектиси — Фучик көчөсүнөн Патрис Лумумбага чейин.

Ошондой эле "Ак Кула" ат майданында ат оюндары болгондуктан Термечиков көчөсү Юрий Гагаринден Лев Толстой көчөсүнө чейин автоунаанын жүрүүсүнө чектөө киргизилет.

Бишкекте өтө турган кызыктуу иш-чаралардын программасы менен Sputnik Кыргызстан агенттигинин инфографикасынан таанышыңыз>>

Жаңылыктар түрмөгү
0