Ош шаарында күч органдарынын кызматкерлерине 220 батирлүү үй салынат

Жазылуу
Көп кабаттуу үйдүн курулушуна 302 миллион сом жумшалып, ал 2017-жылдын күз айларында бүткөрүлөт.

БИШКЕК, 14-авг. — Sputnik. Ош шаарында күч кызматкерлери үчүн курула турган көп кабаттуу үйгө капсула салуу аземи болду. Бул тууралуу Ош шаардык мэриясынын маалымат кызматынан кабарлашты.

Маалыматка караганда, курула турган 12 кабаттуу үйдөгү батирлер күч түзүмдөрүнүн алдыңкы кызматкерлерине берилет. 

"Көп кабаттуу үй республикалык бюджеттин эсебинен курулуп, 2017-жылдын күз айларында колдонууга тапшырылат. Жалпы баасы 302 миллион сомду түздү. Анда 220 батир болот", — деп айтылат маалыматта.

Капсула салуу аземине вице-премьер-министр Жеңиш Раззаков, Ички иштер министринин биринчи орун басары Сүйүн Өмүрзаков, Ош шаарынын мэри Айтмамат Кадырбаев жана күч органдарынын кызматкерлери катышкан. 

Жаңылыктар түрмөгү
0