БИШКЕК, 12-авг. — Sputnik. Ош шаарынын айрым бөлүктөрүндө убактылуу газ өчүрүлө тургандыгы тууралуу "Газпром Кыргызстан" ишканасынан кабарлашты.
Маалыматка караганда Обод айылындагы Ишкаван жана Байрак көчөлөрүндө 12-август күнү саат 8:00дөн 17:00гө чейин газ берүү токтотулат.
Ал эми 15-август күнү Кыргызстан, Курманжан Датка, Киев жана 8-март көчөлөрүндө эртең менен саат 8:00дөн 17:00гө чейин көгүлтүр от берилбейт.
Мындай аракеттер газ куурларындагы оңдоо иштерине байланыштуу жүргүзүлүүдө.
