БИШКЕК, 30-июл. — Sputnik. Бишкек шаарынын 19 жаштагы тургуну 1,5 миң долларын чала тааныш жаранга алдатып жиберген. Бул тууралуу Бишкек шаардык ички иштер башкармалыгынан кабарлашты.
Маалыматка караганда алданган жаран 29-июль күнү милиция кызматкерлерине арыз менен кайрылган.
"2016-жылдын июль айында арыз ээсинин ишеничине кирип 1,5 миң долларын алган жаран изин суутуп кеткен. Аталган иш боюнча Кылмыш жаза кодексинин 166-беренесине (алдамчылык) ылайык кылмыш иши козголгон", — деп айтылат маалыматта.
Ыкчам иликтөө иштеринин натыйжасында 21 жаштагы аял кармалып, тергөө убагында аталган жаран дагы ушуга окшош башка кылмышка тиешелүү экендиги аныкталган.
