Ошто Сирияга адам жөнөтүүгө аракет кылган 20 жаштагы бала соттолду

Жазылуу
Кылмышкер Сирияга адамдарды жөнөтүү үчүн каражат табуу максатында ишкерлерди тоноого аракет кылган.

БИШКЕК, 28-июл. — Sputnik. Сирияга адамдарды жөнөтүүгө аракет кылган 20 жаштагы кылмышкер соттолгонун Жогорку соттон билдиришти. 

Маалыматка ылайык, Ноокат районунун тургуну ата-энеси менен Россияда жашап, 2015-жылдын сентябрь айында мекенине кайтып келген. Ал Ноокатка келери менен "Одноклассники" сайты аркылуу "Ислам мамлекети" торрордук тобунун мүчөлөрү менен байланышып, Кыргызстандан Сирияга адамдарды жөнөтүү менен алектене баштаган. 

Кылмышкер аталган сайт аркылуу бир жердеши менен таанышып, аны согушка барууга үгүттөй баштаган. Ал эми маектеши бул окуя боюнча дароо Ош ШИИБине билдирип, милициянын тапшырмасына ылайык кылмышкер менен байланышта кала берген. Бул кадам кылмышкердин кийинки аракеттерин билүүгө багытталган. 

Ислам мамлекети террордук уюмунун желегин кармаган согушкер. Архив - Sputnik Кыргызстан
Согушкерлер туткундалган журналисттин жаңы видеосун жарыялады
Көп өтпөй ал Сирияга адамдарды жөнөтүү үчүн каражат табуу максатында бир ишкерди тоноо керектигин айткан. Ал үчүн жердешинен тапанча таап берүүгө жардамдашууну суранган. Кабарды уккан милиция кызматкерлериортомчу аркылуу атуучу эмес, үнү гана чыга турган тапанчаны берген. Аны аталган жаран 10 миң сомго сатып алганын айтып, кылмышкерге сунуштаган. 

Мекендешинен алган тапанчанын үнү гана чыгарын билип калган улан тапанчанын акчасын төлөй албаганын айтып, куралды кайтарып берген.

Бир жарым айдан соң кылмышкер жердешин Ош аэропорту аркылуу Сирияга узатып, кайра Ноокатка кайтып бара жатканда милиция кызматкерлерине кармалган. Ошол эле күнү үйүндө тинтүү жүрүп, колго жасалган эки жардыруучу зат табылган. 

Аталган факт боюнча кылмыш иши козголуп, Ош шаардык соту аны 10 жылга эркинен ажыраткан. Кийинчерээк иш Ош облустук сотунда каралып, коллегия кылмышкерди тогуз жылга соттоо чечимин чыгарган. 

Жаңылыктар түрмөгү
0