БИШКЕК, 11-июл. — Sputnik. Кыргызстан менен Тажикстан эл аралык экстремизм жана терроризмге каршы эриш-аркак күрөшөт. Мындай маселе Тажикстандын башкы прокурору Юсуф Рахмон Кыргызстанга болгон жумушчу сапары маалында көтөрүлдү. Бул тууралуу КР Башкы прокуратурасынын маалымат кызматы билдирди.
Ага ылайык, мамлекеттик Ала-Арча резиденциясында эки мамлекеттин башкы прокурорлору — Юсуф Рахмон менен Индира Жолдубаева жолукту.
Андан сырткары Кыргызстан менен Тажикстандын чек арасында улуттар аралык кылмыштуу топко жана маңзат менен курал-жарактын аткезчилигине каршы күрөшүү маселелери да көтөрүлдү.
Ошондой эле эки мамлекеттердин аймагында жүргөн жарандардын укугун жана кызыкчылыгын коргоону талкуулашты.
Иш-сапардын алкагында тажикстандык делегация кыргыз прокуратурасынын ишмердиги менен таанышат.
