"Кант" авиабазасынын учкучтары футбол боюнча күч сынашты

© flickr.com / UnB AgênciaКичи футбол. Архив
Кичи футбол. Архив - Sputnik Кыргызстан
Жазылуу
Мындай таймаштар эки өлкө аскерлеринин ортосундагы достук менен ынтымакты күчөтөөрүн аскер кызматкери билдирди.

БИШКЕК, 10-июл. — Sputnik. Токмокто аскерий учкучтар Панфилов дивизиясынын 75 жылдыгына карата уюштурулган мини-футбол боюнча турнирге катышты. Бул тууралуу ЖККУнун "Кант" авиабазасынын маалымат кызматы билдирди. 

Күч кызматкерлеринен түзүлгөн жети команданын спорттук таймашы 9-июлда Токмок шаарындагы аскер бөлүгүндөгү мини-футболго арналган талаада өткөрүлгөн. 

Турнирдин катышуучусу россиялык Андрей Шевцов таймаш абдан катуу болгонун билдирди.

"Кыргызстандык досторубуздун курама тобу абдан күчтүү экен, алар топ менен чебер ойноп жатышты. Таймаш абдан катуу жүрдү. Бирок биз дагы жаман оюн көрсөткөн жокпуз. Тарыхта биринчи жолу үчүнчү орунду ээледик. Ал эми биздин курума топтон Нурбек Урустамов өзгөчөлөнүп, турнирдин эң мыкты бомбардири атыкты", — деп билдирди Шевцов. 

Ал мындай беттешүүлөр абдан маанилүү экенин белгилеп, өлкө аскерлеринин ортосундагы достук менен ынтымак бекемделерин айтты. 

"Бардыгыбыз душмандарга каршы туруп, жарандарыбыздын тынч жашоосун камсыздашыбыз керек. Биз аны асманда жасасак, кыргызстандык досторубуз жерде ишке ашырышат", — деп билдирди россиялык аскер кызматкери.

Турнир Панфилов дивизиясынын 75 жылдыгына карата уюштурулган.

Жаңылыктар түрмөгү
0