Өзгөчө кырдаалдар министрлиги Ошто түлөө өткөрдү

© Фото / пресс-служба МЧС КРӨзгөчө кырдаалдар министрлиги Боронов табигый кырсык көп катталган Ош облусунда түлөө өткөрдү
Өзгөчө кырдаалдар министрлиги Боронов табигый кырсык көп катталган Ош облусунда түлөө өткөрдү - Sputnik Кыргызстан
Жазылуу
Министр эли-жердин кырсыктардан оолак жашоосун камсыз кылуу үчүн бардык сунуштар кабыл алынып, бардык ыкмалар колдонуларын айтты.

БИШКЕК, 8-июл. — Sputnik. Өзгөчө кырдаалдар министрлиги табигый кырсык көп катталган Ош облусунда түлөө өткөргөнүн аталган мекеме билдирди.

Эскерте кетсек, акыркы убакта аталган аймакта нөшөрлөгөн жаан тынбай жаап, мындан улам сел жүрүп, жер көчкөн. Кырсыктан жергиликтүү тургундар өмүрү менен кош айтышкан учурлар катталган.

"Министр Кубатбек Боронов түз эфирде сүйлөп жаткан учурда нарындык аксакал телефондон байланышып, кырсык көп болгондо кыргыз эли түлөө өткөрүп келгенин, жер-жерлерде жарандар, жергиликтүү жетекчилер түлөө өткөрүп койсо, жакшы болорун билдирген", — деп айтылат маалыматта.

Нарын облусунун Кара-Саз айылынын тургуну Талант Тилен уулу - Sputnik Кыргызстан
Куткаруучу нарындык жигиттин максаты — айылдын абалын оңдоо
Мындан улам Баткен облусуна болгон иш сапары учурунда Ош шаарына келген Боронов өз жанынан жандык союп эли-жерибизге тынчтык тилеп, түлөө өткөргөн. 

Министр эли-жердин кырсыктардан оолак жашоосун камсыз кылуу үчүн бардык сунуштар кабыл алынып, бардык ыкмалар колдонуларын айтты. Ал жарандар кырсыктан сактануусу үчүн жер-жерлерде окуудан өтүп жатканын дарыялардын жээктери бекемделип, дамбалар курулуп, сел өткөрүүчү сайлар тазаланып жатканына токтолду. 

"Элибиздин тынчтык-амандыгы үчүн түлөө өткөрүү сунушу түштү, муну да туура кабыл алып, Ошто өткөрүп жатабыз. Бишкекке баргандан кийин ал жакта да өткөрөбүз", —  деди Боронов. 

Мындай жөрөлгө кыргыз элинин салтында да, ислам дининде да бар экенин, бул колдоого аларлык демилге болуп жатканын түлөөгө катышкан Ош шаарынын казысы Убайдулла ажы Сарыбаев да белгилеп өттү. 

Иш-чаранын соңунда куран окулуп, эли-жерибизге тынчтык жана берекелүү жашоо тиленип, бата тартылды.

Жаңылыктар түрмөгү
0