"Азия балдары" оюнун кийинкиси 2020-жылы Монголияда өтөт

© пресс-служба ГАМФКиС"Азия балдары" спорттук оюндар мелдеши. Архив
Азия балдары спорттук оюндар мелдеши. Архив - Sputnik Кыргызстан
Жазылуу
Якутияда өтүп жаткан "Азия балдары" эл аралык оюндары 17-июлда аяктайт.

БИШКЕК, 8-июл. — Sputnik. "Азия балдары" спорттук оюндар мелдеши 2020-жылы Улан-Батордо өтөт. 

Якутскдагы Азия балдары VI эл аралык спорт оюндарында Кыргызстан спортчулары. Архив - Sputnik Кыргызстан
Якутияда Кыргызстандын желегин дзюдоист Дастан Сарбатов желбиретти
Мелдешти Улан-Батор шаарында өткөрүү боюнча атайын келишим түзүлдү. Ага РФтин өкмөт башчысы Дмитрий Медведев, аталган оюндун эл аралык комитетинин башчысы Дмитрий Глушко, Монголиянын саламаттык сактоо жана спорт министри Самбуу Ламбаа жана Монголиянын Улуттук олимпиада оюндары комитетинин башкы катчысы Оттонтцагаан Жугдэр кол койду. 

"Азия балдары" Якутияда төрт жылда бирден өткөрүлүп турат. Тунгуч оюндар 1996-жылы уюштурулган. Алар Россия президентинин, өкмөтүнүн, Олимпиадалык комитетинин, Спорт жана Тышкы иштер министрлигинин колдоосу менен өткөрүлүп келет.

Эл аралык оюндар 17-июлда аяктайт. 11 күн ичинде спорттун 22 түрү боюнча 321 медаль ойнотулат. Быйылкы таймашта 39 өлкөдөн 3329 жаш спортчу күч сынашат. Ал эми Кыргызстандан бул оюнга спорттун 15 түрү боюнча 90 спортчу катышат.

Жаңылыктар түрмөгү
0