Стамбулдун аба майдандагы терактыдан жаракат алган КР жараны ооруканадан чыкты

© Sputnik / Ирина Попова / Медиабанкка өтүүТүркиянын Стамбул шаарындагы "Ататүрк" аба майданында болгон террордук кол салуудан сынган айнек
Түркиянын Стамбул шаарындагы Ататүрк аба майданында болгон террордук кол салуудан сынган айнек - Sputnik Кыргызстан
Жазылуу
Акыркы маалыматтар боюнча "Ататүрк" аэропортуна куралдуу кол салуунун кесепетинен 41 киши каза болуп, 239у түрдүү жаракаттарды алган.

БИШКЕК, 30-июн. — Sputnik. Түркиянын Стамбул шаарындагы "Ататүрк" аба майданында болгон террордук кол салуудан жабыркаган Кыргызстандын жараны Бахтияр Юнусов ооруканадан чыкты, азыр абалы жакшы. Бул туурасында биздин мекендеш Sputnik Кыргызстан агенттигине билдирди.

Белгилей кетсек, КРдин Стамбулдагы консулдугунун маалыматы жарылуудан Кыргызстандын жараны Бахтияр Юнусов дагы жаракат алып, ооруканага алып келинген.

Бахтиярдын апасы Малика Юнусова уулу аэропортко досуна билет алуу үчүн аны менен чогуу барып, жарылууга кабылганын айткан эле.

"Азыр абалым жакшы, ооруканадан чыктым. Колумду кайра таңдыруу үчүн ооруканага келип-кетип турушум мүмкүн", — дейт жаракат алган КР жараны Бахтияр Юнусов.

Акыркы маалыматтар боюнча куралдуу кол салуудан 41 киши каза болуп, 239 адам түрдүү жаракаттарды алган.

Жарым жыл ичинде Түркиянын кайсыл жерлеринде кандай теракт болуп, канча адамдын өмүрүн алгандыгын Sputnik Кыргызстандын төмөнкү топтомунан окуңуз>>

Жаңылыктар түрмөгү
0