Атамбаев табигый кырсыктардын кесепетин жоюу боюнча маалымат алды

© Пресс-служба президента КР / Султан ДосалиевПрезидент Алмазбек Атамбаев жана өзгөчө кырдаалдар министри Кубатбек Боронов. Архив
Президент Алмазбек Атамбаев жана өзгөчө кырдаалдар министри Кубатбек Боронов. Архив - Sputnik Кыргызстан
Жазылуу
Өлкө башчы бүгүн өзгөчө кырдаалдар министри Кубатбек Боронов менен транспорт жана коммуникация министри Замирбек Айдаровду кабыл алды.

БИШКЕК, 20-июн. — Sputnik. Президент Алмазбек Атамбаев өзгөчө кырдаалдар министри Кубатбек Боронов менен транспорт жана коммуникация министри Замирбек Айдаровду кабыл алып, акыркы убакта аба ырайынан улам жаралган табигый кырсыктардын кесепетин жоюу иштери менен таанышты. Бул тууралуу өлкө башчынын маалымат кызматы кабарлады.

Жалал-Абад облусундагы Аксы районундагы көчкү - Sputnik Кыргызстан
Аксыда жер көчкү жүрдү
Эскерте кетсек, туруксуз аба ырайынан улам Чүй, Нарын, Талас, Баткен, Жалал-Абад облустарында дарыялардын деңгээли көтөрүлүп, турак жайларды, мал сарайларды жана үлүш жерлерди суу каптаган. Мындан тышкары, көпүрө менен унаа жолдорунун айрым бөлүктөрүн жеп кеткен.

Жолугушууда Боронов суу деңгээлинин көтөрүлүшүнөн желип кеткен көпүрөлөрдү калыбына келтирүү жана суу жээктерин бекемдөө иштеринин жүрүшү тууралуу маалымат берди.

Ал эми Айдаров суунун унаа жолдорун жеп кетүү коркунучу жогору болгонун айтып, убагында көрүлгөн аракеттерден улам кырсыктын алдын алууга шарт түзүлгөнүн белгиледи.

Атамбаев куткаруучулар жол кызматкерлери жана жергиликтүү бийлик органдары менен биргеликте иштеп, стратегиялык жолдорду жана башка инфраструктуралык объектилерди тыкыр көзөмөлгө алууну тапшырды. 

Жаңылыктар түрмөгү
0