Эколог: жайыттардын азыркы абалын көрсө, бабаларыбыз көрүндө ыйламак

Жазылуу
Эмил Шүкүров жайыттарга жасалып жаткан терс мамиле жана анын натыйжасы тууралуу айтып берди.

БИШКЕК, 14-июн. — Sputnik. Өз кызыкчылыкты, ач көздүктү четке коюп, табият менен эсептешүү керек. Бул тууралуу Sputnik Кыргызстан агенттигине эколог Эмил Шүкүров билдирди. 

Айыл чарба жана мелиорация министрлигинин берген маалыматы боюнча Суусамыр өрөөнүндө караган көбөйүүдө. Буга чейин 16 миң гектар аймакты ээлесе, учурда 20 гектарга чейин жеткен. Тикенектүү бадал өсүмдүгү эми малдын оттоосуна тоскоолдук жаратып келет. 

"Маселе мал жайытын көзөмөлгө албагандыктан келип чыккан. Карагандар ооруу жуккан жайыттарга чыгат. Ал жерде чөптүн түрү жок болуп кетет. Эртели-кеч маселе чечилиш керек", — деди Шүкүров. 

Ал өлкө көз карандысыздыкты алгандан бери мал кароо начарлап кеткенин айтып, жайыттар жөнгө салынбай жатканын кошумчалады. 

"Бул көрүнүштү ата-бабаларыбыз көрсө, бизди кечирмек эмес. Алар жайыттарды көздүн карегиндей сактап келишкен. Жүз жылдап жайлоолор жапжашыл бойдон сакталган. Анткени алар чөбү өсө элек аймактарга малдарын оттоткон эмес", — деди эколог. 

Шүкүров жеке кызыкчылыктарды четке коюп, табият менен таттуу мамиле куруу керектигин кошумчалады.

Жаңылыктар түрмөгү
0