БИШКЕК, 7-июн. — Sputnik. Баткенде күч структурасында иштеген айымдар арасында өткөн сулуулук сынагында аталган облустун Ички иштер башкармалыгынын кызматкери Айсалкын Эргешбай кызы баш байгеге татып, Бишкекте өтүүчү "Погончон айым-2016" конкурсуна жолдомо алды. Бул туурасында уюштуруучулардын бири Нуржан Ганиева кабарлады.
"1-вице мисс" Чек ара кызматынын №20220 аскер бөлүгүнүн радио байланышчысы, кенже сержант Наргиза Шаменова жана "2-вице мисс" Куралдуу күчтөрдүн Башкы Штабынын № 30630 аскердик бөлүгүнүн кызматкери, ефрейтор Жазгүл Талантбек кызы болду", — деп билдирди Ганиева.
Маалыматта бул иш-чара күч түзүмдөрүндө иштеген айымдардын жумушка болгон кызыгуусун арттыруу жана иш жөндөмдүүлүгүн даңазалоо, баалоо жана ишке дем берүү максатын көздөй турганы айтылат.
Уюштуруучулардын өкүлү Ганиева "Погончон айым-2016" республикалык конкурсу Бишкек шаарында күз айларында өтөрүн кошумчалады.
