Битир-садаганын баасы белгилүү болду

© Sputnik / Табылды КадырбековАйт намаз учурунда битир-садага берип жаткан жаштар. Архив
Айт намаз учурунда битир-садага берип жаткан жаштар. Архив - Sputnik Кыргызстан
Жазылуу
Чогулган каражат комиссия түзүлгөндөн кийин бир айдын ичинде муктаждарга таратылат.

БИШКЕК, 5-июн. — Sputnik. Орозо айында бериле турган битир-садаганын өлчөмү бекитилди. Бул тууралуу Кыргызстан мусулмандар дин башкармалыгынын маалымат кызматынын катчысы Максат Атабаев билдирди. 

Аалымдар кеңешинин мүчөсү Чубак ажы Жалилов. Архив - Sputnik Кыргызстан
Чубак ажы орозо кармоонун эрежелерин түшүндүрүп берди
Рамазан айында берилүүчү битир быйыл 1 адамга 1 килограмм 600 грамм буудайдын баасына барабар болот. Натыйжада базар баасы менен алганда битир ар бир адамга 32 сомдон эсептелди. Ошондой эле садага-битир буудайдан башка ун (1 кг 600 грамм), мейиз (1 кг. 600 грамм), арпа (3 кг. 200 грамм) жана курманын салмагы (3 кг. 200 грамм) менен да өлчөнөт. Алсак, мейиз – 320 сом, ун – 48, арпа – 48 сом болсо, курманын битирге тиешелүү салмагы 384 сом деп эсептелген. 

Муфтияттын маалымат кызматынан билдиргендей, мусулмандар жогоруда көрсөтүлгөн сумманын каалаганын тандаса болот, бирок муктаждарга көбүрөөк жардам берүү үчүн эң жогорку баа менен битир берүү каралган.

"Рамазан айында ар бир колунда бар адам шариат боюнча садага берүүгө милдеттүү. Алар өз ыктыяры менен жакырларга жогоруда көрсөтүлгөн өлчөм менен же көңүлүнөн чыккан жардамын берсе болот", — деп билдирди Атабаев. 

Анын айтымына караганда чогулган каражаттын 20 пайызы муфтиятка, калган 80 пайызы облустук казыяттарга, райондук хатибияттарга жана жергиликтүү мечиттерге калат. 

"Орозо айы бүткөндөн кийин атайын комиссия түзүлөт. Ал жакка жардамга муктаж адамдар же дарыланууга каражаты жоктор келип документтерин көрсөтүп катталышат", — деп билдирди Атабаев. 

Ал чогулган каражат комиссия түзүлгөндөн кийин бир айдын ичинде муктаждарга таратылып берилерин кошумчалады. 

Белгилей кетсек, өткөн жылы рамазан айында республика боюнча 31 миллион сом чогулган. Ал эми быйыл орозо 6-июнда башталмай болду.

Ыйык Рамазан айында ооз бекитүү (имсак) жана ооз ачуу (ифтар) убактысы кандай экенин Sputnik Кыргызстан агенттигинин инфографикасынан караңыздар>>

Жаңылыктар түрмөгү
0