Батыровдун үйүн Бакиевге өткөрүп бергендерге кылмыш иши козголду

© Sputnik / Табылды КадырбековБашкы прокуратура имараты. Архив
Башкы прокуратура имараты. Архив - Sputnik Кыргызстан
Жазылуу
Башкы прокуратура мыйзамсыз өткөрүлүп берилген үй мүлккө байланыштуу мамлекет жети миллиондон ашык сом чыгым тартканын билдирди.

БИШКЕК, 25-май — Sputnik. Сузак районундагы Сот аткаруу кызматынын кызматкерлери Кадыржан Батыровдун үйүн мыйзамсыз түрдө Курманбек Бакиевдин инисине өткөрүп беришкендиги үчүн кылмыш иши козголду. Бул тууралуу Башкы прокуратуранын маалымат кызматы билдирди. 

Башкы прокуратура Батыров Жалал-Абад шаарынын соту тарабынан 2010-жылдагы июнь окуяларын уюштурууга күнөөлүү деп табылып, үй мүлктөрүн конфискациялоо менен сырттан соттолгонун эскертет. Ал өлкөдөн качып кеткен. 

"Батыровдун үй мүлктөрүн конфискациялоодо Сузак районунун Сот аткаруу кызматынын кызматкерлери менен Кыймылсыз мүлккө укукту каттоо башкармалыгынын кызматкерлери Батыровдун Дмитриевка айылындагы Пахта көчөсүндө жайгашкан №134 үйүн жашырып коюшкан", — деп Башкы прокуратура билдирди. 

Премьер-министр Мамлекеттик мүлктү башкаруу фондусунун төрагасы Алмазбек Кадыркуловду кабыл алыуу учурунда - Sputnik Кыргызстан
Жээнбеков Мамлекеттик мүлктү башкаруу фондусунун ишин кескин сынга алды
Натыйжада Сот аткаруу кызматынын токтому жана Сузак районунун сотунун чечими аркылуу Батыровдун үйү Санжар Бакиевге өтүп кеткен. 

Мыйзамсыз өткөрүлүп берилген үй мүлктүн айынан мамлекет 7 миллион 451 миң сом чыгым тартканы белгиленет. 

Аталган факты боюнча Жалал-Абад облустук прокуратурасы тарабынан Кылмыш жаза кодексинин 304-беренесинин (Кызмат ордун кыянаттык менен пайдалануу) негизинде кылмыш иши козголду. Тергөө иштери уланууда. 

Жаңылыктар түрмөгү
0