БИШКЕК, 19-май — Sputnik. Кыйноолорго каршы борбордун милиция кармаган айдоочусу буга чейин эч кандай шек жараткан эмес деп билдирди аталган мекеменин жетекчиси Нурдин Сулайманов.
Буга чейин милиция аталган борбордун кызматкерин экстремизмге аралашканы боюнча шек жараткандыгы үчүн кармаган. Шаардык милициянын маалыматында, ал "Хизб ут-Тахрир" уюмуна жаштарды азгыруу аракеттерин жасап жүргөн. Анын үйүн тинтүү учурунда аталган уюмга тиешелүү тыюу салынган экстремисттик адабияттар табылган.
Сулайманов 37 жаштагы айдоочу бул борбордо 2013-жылдан бери иштерин айтты. Анын беш убак намаз окуп жүргөнүн, бирок, жүрүм-турумунан шек жараткан учурларды байкабагандыгын кошумчалады.
