БУУнун делегациясы Аскаровду бошотуу маселесин Кыргызстанда талкуулаган жок

© Sputnik / Сергей Гунеев / Медиабанкка өтүүООН желеги. Архив
ООН желеги. Архив - Sputnik Кыргызстан
Жазылуу
Бириккен Улуттар Уюмунун комитети жана бир катар эл аралык уюмдар этностор аралык жаңжал чыгарган деп айыпталган Азимжан Аскаровду бошотууну талап кылышкан.

БИШКЕК, 7-май — Sputnik. БУУнун делегациясы Кыргызстандын аткаминерлери менен болгон сүйлөшүүдө Азимжан Аскаровду бошотуу боюнча маселени талкуулабаганын аталган уюмдун Бишкектеги туруктуу координатору Александр Аванесов билдирди.

Белгилей кетсек, Кыргызстанга БУУнун бир катар аткаруучу кеңештеринин өкүлдөрүнөн турган делегация келген. Алар өлкөнүн жетекчилери менен бир катар жолугушууларды өткөргөн

"Бул маселе талкууланган жок. Анткени ал делегациянын милдеттерине кирген эмес. БУУнун комитетинин сунушунан кийин аталган маселе өкмөттүн кароосунда", — деди Аванесов.

Эскерте кетсек, 21-апрель күнү Бириккен Улуттар Уюмунун Адам укуктары боюнча комитетинин эксперттери улут аралык мамилелерди козуткан деген айып менен эркинен ажыратылган Азимжан Аскаровду бошотуу жана аны күнөөлүү деп тапкан чечимди жокко чыгарууну талап кылган докладын жарыялаган.

Алардын мындай талабын ЕККУ менен Прессанын эл аралык институту да колдогон.

КРдин Жогорку соту ишти кайтадан карап чыгууга даяр экенин билдирген, ал эми эксперттер БУУ мындай талабы менен Кыргызстанды кылмышка түртүп жатат деп эсептешет. 

Өмүр бою түрмөгө кесилген Азимжан Аскаров. Архив - Sputnik Кыргызстан
Азимжан Аскаров деген ким?
Азимжан Аскаров 2010-жылы өлкөнүн түштүк аймагында улут аралык араздашууну тутандырган, массалык башаламандыктарды уюштурган жана милиция кызматкерин ырайымсыз түрдɵ ɵлтүрүүгɵ катышкан деп өмүр бою абакка кесилген. Ошол убакта ал Бишкек — Ош жолун жабууну уюштургандардын бири болгон. Нааразы болгондор арасында түшүндүрүү иштерин жүргүзгөн куралсыз 13 милиция кызматкерин нааразы болгондор аларды аёосуз сабап, ал эми аймактык милиционер Сулаймановду өлтүрүп, өрттөп жиберишкен.

Июль айында (2015-жылы) АКШнын мамлекеттик департаментинин Азимжан Аскаровго "Адам укугунун коргоочусу" сыйлыгын ыйгарышы Кыргызстанда нааразычылыкты жараткан.

АКШнын мамдепартаментине жооп иретинде Кыргызстан АКШ менен 1993-жылдын 19-майында кол коюлган кɵмɵк кɵрсɵтүүнү жеңилдетүү боюнча кызматташуу келишимин бир тараптуу жокко чыгарган. 

Жаңылыктар түрмөгү
0