БИШКЕК, 7-май — Sputnik. Бишкек шаарындагы Биринчи май райондук администрациясы Улуу Ата Мекендик согуштун ардагерлерине сый тамак берди. Бул тууралуу шаардык мэриянын маалымат кызматы билдирди.
Иш-чара Улуу жеңиштин 71-жылдыгына байланыштуу уюштурулду.
"Согуш ардагерлери тылдагы жолдоштору менен кайрадан сый тамак үстүндө чогулуп, маек курууга мүмкүнчүлүк алышты", — деп айтылат маалыматта.
Биринчи май районунун акимияты тарабынан согуш ардагерлерине 5 миң сом, ал эми тылда эмгектенгендерге 2 миң сомдон акчалай жардам көрсөтүлдү.
Сый тамактан соң ардагерлерге концерт тартууланды.
