БИШКЕК, 1-май. — Sputnik. Кыргызстандын бардык аймактардагы УКМК кызматкерлери диний окуудан өттү. Бул тууралуу "Ыйман" коомдук фондунун маалымат кызматы билдирди.
Анда айтылгандай, диний окутуулар экстремизм жана терроризмди алдын алуу максатында 25-30-апрель күндөрү болгон.
"Азыркы убакта экстремисттер менен террористтер динге жамынуу менен согуштук аракеттерди жүргүзүп жатышат. Мындан улам окууда терроризм менен диндин айырмачылыктары тууралуу кенен маалыматтар берилди", — деп айтылат маалыматта.
УКМК кызматкерлерине "Салттуу исламдын негиздери", "Исламдын багыттары", "Радикалдык исламдын көз карашы менен", "Исламдын негизги түшүнүктөрү менен терминдери" жаатында окуулар өтүлдү.
