Акыркы убактагы сел жана жер көчкүнүн зыяны аныкталды

© пресс-служба МЧС КРЖолду алып кеткен жер көчкү. Архив
Жолду алып кеткен жер көчкү. Архив - Sputnik Кыргызстан
Жазылуу
Өткөн жумада нөшөрлөп жааган жаандан улам Чүй, Жалал-Абад, Ош жана Баткен облустарында сел жүргөн.

БИШКЕК, 27-апр. — Sputnik. Ош облусунун сел жүрүү коркунучу жогору болгон аймактарда жашагандарды көчүрүү боюнча аракеттер көрүлүп жатканын министр Кубатбек Боронов өкмөт башчы менен жолукканда билдирди.

Өткөн жумада нөшөрлөп жааган жаандан улам Чүй, Жалал-Абад, Ош жана Баткен облустарында сел жүргөн

Шаршемби күнү министр өкмөт башчыга селдин алдын алуу боюнча жасалып жаткан аракеттер тууралуу маалымат берди. Анын айтымында, келтирилген чыгым 7,5 миллион сомду түзгөн.

"Жаратылыш кырсыгы негизинен каналдарды, көпүрөлөрдү жана жолдорду жараксыз абалга алып келди. Чүй облусундагы эгин талаалары жабыркады. Сел киши жашаган аймактан алыс жерде болгондуктан адам өлүмү катталган жок. Ошондой эле, социалдык курулуштар, үйлөр да жабыркаган эмес", — деди ал.

ӨКМ башчысы: селден жабыр тарткандар компенсация албайт
Министрдин айтымында, сел жүрүү коркунучу болгон аймактарда жашагандарды коопсуз аймактарга көчүрүү боюнча түшүндүрүү иштери жүрүп жатат.

Ош облусунда сел, жер көчкү түшүү коркунучу жогору аймакта жашаган үй-бүлөлөр коопсуз жерге көчүүгө макулдугун беришти.

Өкмөт башчысы ирригациялык курулуштар маалында тазаланбагандыктан абал оорлошуп кетерин белгиледи. Ошондой эле, жаратылыш кырсыгы болгон учурда жардам ыкчам берилиши керектигин кошумчалады.

Кыргызстанда 18-апрелде сел каптап, кооптуулук жаралган аймактарды Sputnik Кыргызстандын инфографикасынан көрүңүздөр>>

Жаңылыктар түрмөгү
0