Белгилүү чебер көргөзмө павильонду кыдырып чыгып, кыргыз дизайнерлерине жогорку баасын берди.
БИШКЕК, 19-апр. — Sputnik. Москвадагы кыргыз ЭКСПО павильонуна легендарлуу модельер Вячеслав Зайцев баргандыгы тууралуу соода борборунун директору Марсель Салахунов билдирди.
Эске салсак, 13-апрелде Москвада "Кыргызстан" соода-көргөзмө павильону ачылган.
Анын айтымында, белгилүү чебер көргөзмө павильонду кыдырып чыгып, кыргыз дизайнерлерине жогорку баасын берген.
"Ал кийимдердин тигилиши мыкты экенин өзгөчө белгиледи", — деп билдирет Салахунов.
Эске салсак, 13-апрелде Москвада "Кыргызстан" соода-көргөзмө павильону ачылган. Ал Европадагы эң ири 90 гектар жерде жайгашкан "Фуд Сити" агрокласстеринин базасында ишке кирген.
Кыргызстан ЕАЭБ өлкөлөрүнүн ичинен соода-көргөзмө борборун Москвада алгачкылардан болуп ачып жатат. Мындан ары кыргызстандык ишкерлер ортомчусуз продукцияларын жеткирип, товардын бааларын коюп, онлайн аркылуу бардык процессти көзөмөлгө ала алат.
