Атамбаев зилзаладан жабыркаган япон элине көңүл айтты

© Sputnik / Табылды КадырбековПрезидент Алмазбек Атамбаев. Архив
Президент Алмазбек Атамбаев. Архив - Sputnik Кыргызстан
Жазылуу
Япониянын Кюсю аралында 14-апрелде жер титирөө катталып, 29 киши мерт кетип, жарым миңге чукул адам жаракат алган.

БИШКЕК, 16-апр. — Sputnik. Президент Алмазбек Атамбаев Япониянын өкмөт башчысы Синдзо Абэге өлкөнүн Кюсю аралында жер титирөөдөн каза болгондорго байланыштуу көңүл айтты. Бул туурасында мамлекет башчысынын маалымат кызматы билдирди.

Президент зилзаладан каза болгондордун жакындарына көңүл айтып, жабыркагандардын тез арада айыгып кетишин кааларын билдирди.

"Кыргызстан эли япон калкынын башына түшкөн кайгысын тең бөлүшөт", — деп айтылат телеграммада. 

14-апрель күнү Япониянын түштүк-батыш жагында жайгашкан Кюсю аралында жети баллдык жер титирөө катталып, анын кесепетинен 29 киши мерт кетип, 400дөй адам ооруканага жаткырылган.

Жер титирөөнүн очогу Кумамото шаарында жайгашкан. Зилзаланын кесепетинен ондогон имарат кыйрап, шилендинин алдында адамдар калган. Айрым жерде өрт токтобогондуктан газ жабдуулары жана электр жарыгы өчүрүлгөн.

Жаңылыктар түрмөгү
0