БИШКЕК, 5-апр. — Sputnik. Бишкек шаарындагы Ала-Тоо аянтынын борбордук бөлүгүнө тосмолор коюлууда. Бул тууралуу өкмөткө караштуу Архитектура, курулуш жана турак жай-коммуналдык чарба мамлекеттик агенттигинин маалымат кызматы билдирди.
Темир тосмолор Улуттук тарых музейин жана Манас эстелигинин айланасына коюлган. Бул кадам Улуттук тарых музейин реконструкциялоо үчүн жасалууда.
Реконструкция эки этапта жүрүп, оңдоп-түзөө жана жарык берүү иштери 31-мартка чейин жүргүзүлсө, экинчи этабында музей толук кандуу бүткөрүлөт.
