Кыргыз-тажик чек арасындагы Ак-Сай жана Чорку айылдарында абал тынч

Жазылуу
27-мартта Кыргызстандын Ак-Сай жана Тажикстандын Чорку айылынын ортосунда Каравшин суусунан шагыл алуу боюнча келишпестиктер болгон.

БИШКЕК, 28-мар. — Sputnik. Чек арада жайгашкан Кыргызстандын Ак-Сай айыл аймагындагы Көк-Таш айылы жана Тажистандын Чорку айылдарынын жашоочулары ортосунда суудан кум-шагыл алуу боюнча түшүнбөстүктөрчечилди. Бул тууралуу Көк-Таш айылынын башчысы Разия Өсөрова Sputnik Кыргызстан маалымат агенттигине билдирди.

Өкмөттүн чек ара маселелери боюнча атайын өкүлү Курбанбай Искандаров. Архив - Sputnik Кыргызстан
Искандаров: Кыргызстан бирөөнүн жерине көз артпайт, өзүнүкүн да эч кимге бербейт
Маалыматка ылайык, кечээ, 27-мартта тажик жарандары кыргызстандыктарга Каравшин суусунан шагыл алууга уруксат бербей коюшкан. Ал эми эки айылдын башчыларынын ортосундагы макулдашууга ылайык, аталган суудан шагыл алуу эки элге орток деп эсептелинет.

Өсөрова аталган суудагы көпүрөнүн түбүнөн тажик жарандары кум-шагыл алганын айтат.

"Ал жерде тажик жарандары көпүрөнүн түбүнөн кум-шагыл алышкан. Мен аны уккандан кийин дароо бардым. Көпүрөнүн түбүнөн казганга болбостугун, жазында суу кирсе аны алып кетиши мүмкүндүгүн айттым. Кечээ келишпестикке чекит коюлган эмес. Бүгүн түшүнбөстүктөр чечилди. Чек ара тынч", — деди ал.

Кечээ, тажик жарандарынын мындай аракетинен кийин эки тараптан 30-35тей адам чогулуп келген. Окуя болгон жерге эки өлкөнүн чек ара заставаларынын башчылары келип, түшүндүрүү иштерин жүргүзүшкөн.

Жаңылыктар түрмөгү
0