Ала-Букада митингге чыккандар оппозицияга кырдаалдан пайдаланып кетишине жол бербейбиз дешти

© SputnikЛюди на митинге Ала-Буке
Люди на митинге Ала-Буке - Sputnik Кыргызстан
Жазылуу
Темир Сариев менен митингге чыкан элдин атынан дайындалган 10 киши шайланып, бүгүнкү митингде кабыл алган кайрылууну тапшырат.

БИШКЕК, 22-мар. — Sputnik. Учурда Жалал-Абад облусунун Ала-Бука районунда 200гө чукул адамдын катышуусунда өтүп жаткан митинг аягына чыгып калды. Райондук администрациянын алдына чыккандар элди провокацияга алдырбоого чакырып, аны менен кошо бийлик Өзбекстан тарапка социалдык-экономикалык жактан жооп кайтаруусу керек деген пикирин айтышты. Бул туурасында жеринен Sputnik Кыргызстан маалымат агенттигинин өз кабарчысы билдирди.

Жеринде турган аймактык кабарчынын маалыматында, тургундар оппозициялык эмес, мекенчилдик маанайда чогулган. 

"Оппозицияны бул кырдаалдан пайдаланып кетишине жол бербейбиз деген ойлор айтылды. Андан сырткары чек арачыларга жана чек араны бекемдөөгө кантип жардам бере алабыз деген маанайда жергиликтүү бийлик менен сүйлөштү", — деди кабарчы.

Анын айтымында, маселени тынч жана дипломатиялык жол менен чечүүнү жергиликтүү бийликтин өкүлдөрү элге түшүндүрүп жатат.

Митингде Ала-Бука районунун акими жана Жалал-Абад облусундагы өкмөттүн өкүлүнүн орун басары Анаркулов жүрөт. 

Коомдук активист: Өзбекстандан келген помидор, бадыраңга элдик санкция киргизебиз

Бир аздан кийин Ала-Букага келе турган премьер-министр Темир Сариев менен митингге чыкан элдин атынан дайындалган 10 киши шайланып, бүгүнкү митингде кабыл алган кайрылууну тапшырат. Бул туурасында коомдук активист Андаш Токторбаев Sputnik Кыргызстан маалымат агенттигине билдирди. 

"Эмнеге чек арадагы мындай абал созулуп кетти деп, бул маселе бардыгыбызга тийиштүү болгондуктан, кайдыгер карап жата албай чыктык. Азыр сууну чектөө маселесин козгодук. Анан Өзбекстандан келген помидор, бадыраңга элдик санкция киргизебиз, албай коёбуз деп жатабыз. Анан бул жерде турган чек арачыларга нормалдуу шарт түзүп берүүнү айттык", — деди Токторбаев аксакал. 

2016-жылдын 18-мартында өзбек тарап Жалал-Абад облусунун Ала-Бука районундагы Кыргызстан менен болгон чек арасына зооттолгон эки транспортту, 40ка чукул аскерин койгон. Бир жактуу негизде "Маданият" көзөмөл өткөрүү пунктун жапкан. Өзбекстандын Улуттук коопсуздук кызматынын Чек ара комитети Нооруз майрамына көрүлгөн даярдыктан улам, чек араларын бир тараптуу бекемдегенин билдирген. 

Белгилей кетсек, 21-мартта кечинде Өзбекстан менен болгон чек арага "Скорпион" отряды чыгып кеткен болчу.

Учурда премьер-министр Темир Сариев Жалал-Абад облусунда бир күндүк иш-сапар менен жүрөт.

Жаңылыктар түрмөгү
0