Кызын такай сабаган деп шектелген Сузак районунун тургундарына кылмыш иши козголду

Жазылуу
Кордукка кабылды деген кыз январь айынын аягында Бишкекке кайрадан качып келген.

БИШКЕК, 10-мар. — Sputnik. 17 жаштагы Назбийкени такай сабап келген деп шектелген ата-энесине Сузак РИИБ тарабынан кылмыш иши козголуп, тергөө жүрүп жатканын Акыйкатчы институтунун маалымат кызматы билдирди. 

Кыз. Архив - Sputnik Кыргызстан
Жакындарынын кордугунан Бишкекке качып келди деген кыздын ата-энеси үн катты
Маалыматка ылайык, 17 жаштагы кыз үйүнөн буга чейин бир нече жолу качып кеткен. Аны апасы, атасы такай сабап келген, андан сырткары үйдөгү башка балдар да ага кичинесинен кол көтөрүп келгени жөнүндө Акыйкатчы институту тараткан билдирүүдө айтылат.

"Былтыр ноябрь айында кыз Бишкекке качып келген. Ал реаблитациялык борборлордун бирине жайгаштырылган. Кийин ата-энеси келип ага кол көтөрбөй турганын айтышып, алып кеткен. Бирок, ата-энеси кайтадан сабап баштаганда январь айынын аягында Бишкекке качып келген", — деп айтылат маалыматта.

Акыйкатчы аппаратынын кызматкерлеринин жардамы менен 17 жаштагы Назбийке Ош шаарындагы "Ак-Жүрөк" кризистик борборго жайгаштырылып, психологиялык жана укуктук жардамдар берилген. Бирок, кыздын өз каалоосу менен кийин Бишкектеги кароосуз калган балдардын реаблитациялык борборуна которулган. Психологдор менен социалдык кызматкерлер ага керектүү жардамдарды беришкен.

Жаңылыктар түрмөгү
0