Профессор, техникалык илимдердин доктору Эркин Нусупов кайтыш болду

Жазылуу
Профессор менен коштошуу бүгүн Насирдин Исанов атындагы Кыргыз мамлекеттик курулуш, транспорт жана архитектура университетинде өттү.

БИШКЕК, 23-фев. — Sputnik. Жетимиш алты жашында техникалык илимдердин доктору, профессор Исанов атындагы Кыргыз мамлекеттик курулуш, транспорт жана архитектура университетин "Транспорт каражаттарын эксплуатациялоо" факультетинин башчысы Эркин Нусупов кайтыш болду.Бул туурасында Sputnik Кыргызстан маалымат агенттигине аталган окуу жайдан билдиришти. 

© предоставлено КГУСТАТехникалык илимдердин доктору, профессор Эркин Нусупов.
Доктор технических наук, профессор Нусупов Эркин Суюнбаевич - Sputnik Кыргызстан
Техникалык илимдердин доктору, профессор Эркин Нусупов.

Алар профессордун өлүмүнө — инсульт себепкер болгондугун айтышты.

Эркин Нусупов 1940-жылы 12-сентябрда Таластын Kара-Буура районунда туулган. 

Ала-Тоо аянтында Турдакун Усубалиев менен коштошуу церемониясында. Архив - Sputnik Кыргызстан
2015-жылы Кыргызстанды кайгыртып, дүйнө салган атактуу инсандар
Ал автоунааларды тоолуу шарттарда колдонуу боюнча көрүнүктүү адис болгон. Окутуучулук ишинде илимдин беш докторун жана 20 кандидатын даярдаган. Кыргызстан жана Орто Азия үчүн автомобиль жолдору боюнча 2500 ашун кесипкөй инженер-механиктерди даярдап чыгарган. 300гө чукул илимий-усулдук эмгектерди жазган.

Окумуштуунун эмгеги жогору бааланып мамлекеттик жана ведомстволук сыйлыктар ыйгарылган. Эл аралык инженерлер Академиясынын академиги, Илимдер академиясынын жогорку мектебинин жана КРдин инженерлер академиясынын академиги болгон. КРдин билим берүүсүнүн отличниги наамы ыйгарылган. 

Нусупов менен коштошуу бүгүн Насирдин Исанов атындагы Кыргыз мамлекеттик курулуш, транспорт жана архитектура университетинде өттү. 

Жаңылыктар түрмөгү
0