Ошто кыргыз-орус чек арачылары эрдик үлгүлөрүн көрсөтүштү

© Айша КамиловаОш облусунун чек ара башкармалыгынын кызматкерлери Россиянын Федералдык коопсуздук кызматынын чек арачылары менен биргеликте Оштун мектептеринде эрдик сабактарын өткөзүштү.
Ош облусунун чек ара башкармалыгынын кызматкерлери Россиянын Федералдык коопсуздук кызматынын чек арачылары менен биргеликте Оштун мектептеринде эрдик сабактарын өткөзүштү. - Sputnik Кыргызстан
Жазылуу
Мектеп окуучулары аскер кызматкерлеринен кантип чек арачы жана офицер болууну билип, мекен сакчысы кандай болушу керектигине кызыгышты.

БИШКЕК, 23-фев. — Sputnik. Ош облусунун чек ара башкармалыгынын кызматкерлери Россиянын Федералдык коопсуздук кызматынын чек арачылары менен биргеликте 19-22-февраль күндөрү Оштун орто мектептеринде эрдик сабактарын өтүштү.

Аскер кызматкерлери мектеп окуучуларына чек арадагы кызмат өтөөнүн күңгөй-тескейин айтып берип, Улуу Ата Мекендик согуш, Баткен окуясы жана афган согушундагы эрдиктерди эскеришти.

Аскерге чейинки даярдык боюнча сабак берген Баткен согушунун катышуучусу Алишер Сулейманов жоокерлердин баяны окуучулар арасында чоң кызыгууну жаратканын белгиледи.

"Ата Мекендин келечегине кам көрүү мектептен башталат. Аскер кызматкеринин кесиби өтө оор болгону менен абдан кадыр-барктуу жана кызыктуу адистик болуп саналат", — деди ардагер.

Мындан тышкары, чек арачылар мекен сакчыларына арналганы мектептердеги салтанаттуу аземдерге катышты.

Жаңылыктар түрмөгү
0