БИШКЕК, 29-янв. — Sputnik. Баткен облусунун аймагындагы мечит, медреселердин тазалыгына катуу көңүл бурулуп, аптанын бейшемби күнү тазалык күнү катары белгиленди. Бул тууралуу облустук казыяттын маалымат кызматы кабарлады.
Бул иштер аталган облусунун мусулмандар казысы Пазыл ажы Султанмуратовдун демилгеси менен жасалууда.
"Ден соолукту чыңдоо үчүн өзүнчө бурч түзүлүп, оорулардан сак болуу, алдын алуу боюнча маалыматтар атайын такталарга илинип, сырооколоп калгандар үчүн биринчи жардам көрсөтүү үчүн дары-дармек кутучасы жасалды", — деп билдирди маалымат кызматынан.
Муну менен катар студенттердин ар кандай ооруларга чалдыгып калбоосунун алдын алуу иштери жүргүзүлүудө.
