Быйыл Бишкекте 136 чакырым жол оңдолот

© пресс-служба мэрии города БишкекОңдолгон жол. Архив
Оңдолгон жол. Архив - Sputnik Кыргызстан
Жазылуу
Сариев Бишкектеги эс алуу жайлары, сейил бактардын абалы начар болуп, шаардыктардын эс алуусу үчүн жеткиликтүү шарттар түзүлбөгөнүнө көңүл буруп, бул жаатта сейил бактардын аянттын кеңейтип, жашылдандыруу боюнча иштерди активдештирүүнү тапшырды.

БИШКЕК, 28-янв. — Sputnik. Быйылкы жылы борбор калаада 136 чакырым жол оңдоло турганын премьер-министр Темир Сариев шаардык мэриянын коллегиясында билдирди.

Өкмөт башчы 2015-жылы Бишкек шаардык мэриясынын ишинде бир катар өзгөрүүлөр болгонун белгилеп, бирок бул өзгөрүүнүн жаңыдан гана башталышы экенин айтты.

Келечектеги Бишкектин борбордук бөлүгү - Sputnik Кыргызстан
Келечекте Бишкектин борбордук бөлүгү кандай болот
Премьер-министр быйыл өлкө эгемендигинин 25 жылдыгы белгиленерин айтып, ага карата Бишкек шаарында олуттуу иштер жасалышы керектигин белгиледи. Өзгөчө көңүлдү шаардын сырткы келбетин жакшыртуу, жашылдандыруу, имараттардын фасаддарын оңдоого бурууну тапшырды.

Мындан тышкары, Сариев Бишкекте быйыл 136 чакырым жол оңдолорун белгилеп, алардын сапатына көзөмөлдү күчөтүүнү милдеттендирди.

Аны менен бирге өкмөт башчы коомдук транспортту жөнгө салуу боюнча берилген тапшырмалар кечигип жатканын айтты. Сариев Бишкектеги эс алуу жайлары, сейил бактардын абалы начар болуп, шаардыктардын эс алуусу үчүн тиешелүү шарттар түзүлбөгөнүнө көңүл буруп, бул жаатта сейил бактардын аянттын кеңейтип, жашылдандыруу боюнча иштерди активдештирүүнү тапшырды.

Ошондой эле ирригациялык системаны жөнгө салуу боюнча тез арада чечимдерди кабыл алуу зарылдыгын билдирди.

Жаңылыктар түрмөгү
0