БИШКЕК, 28-янв. — Sputnik. Өткөн жылы Эмгек жана социалдык өнүгүү министрлиги Нарындын 5 миң 945 жашоочусуна жөлөк пул берилгенин билдирди. Буга жалпы жонунан 237 миллион сом жумшалган.
Ай сайын төлөнүүчү жөлөк пул ден соолугу боюнча мүмкүнчүлүгү чектелген жарандар, ВИЧ/СПИД менен ооруган энелерден төрөлгөн балдар, кары-картаңдар жана ата-энесинин бирөөсүнөн ажыраган балдарга берилди.
Орточо эсеп менен төлөнүүчү төлөмдүн көлөмү айына 3 миллион 305,6 миң сомду түзөт.
Эскерте кетсек, буга чейин нарындыктар жашоо шартты жакшыртуу талабы менен митингге чыгышкан.
