Муфтият дааватчыларды коргоп чыкты

Жазылуу
Кыргызстан мусулмандарынын дин башкармалыгы өкмөттүн Ысык-Көл облусу боюнча өкүлү Эмил Каптагаевдин айткандарына жооп кайтарды.

БИШКЕК, 2-дек. — Sputnik. Кыргызстан мусулмандарынын дин башкармалыгы (КМДБ) өлкө аймагындагы дааватчылардын бардык аракеттери тийиштүү органдар тарабынан тыкыр көзөмөлгө алына турганын билдирди.

Мечит. Архив - Sputnik Кыргызстан
Муфтий мечиттерди каттоодон өткөрүүнү талап кылууда
Белгилей кетсек, бүгүн Эмил Каптагаевдин "дааватчылар коомдун туруктуулугуна коркунуч туудурат. Алардын аракеттери эч ким тарабынан көзөмөлдөнбөйт" деген пикирин айткан эле.

Муфтият тараткан билдирүүдө дааватчылардын иш-аракеттери көзөмөл алдында экени, ал КР Мусулмандар дин башкармалыгы жана ИИМдин тийиштүү органы тарабынан тескеле турганы айтылат. 

"КМДБнын алдында даават бөлүмү 1997-жылы Каптагаев Дин иштери боюнча мамлекеттик комиссияны жетектеп турганда түзүлгөнүн өзү билиши керек эле. Даават бөлүмү дал ошол дааватка чыккандардын иш-аракеттерин көзөмөлдөйт. Коомдогу бүгүнкү туруктуулуктун болушунда элди жамандан алыс болууга үндөгөн дааватчылардын да салымы бар", — деп айтылат билдирүүдө.

Муфтият дааватчылар элди митингдерге чогулууга эмес, тычтык, бакубат жашоого үндөй турганын баса белгилейт. Ошондой эле, кандайдыр бир билдирүү жасар алдында эксперттердин чыгарган расмий бүтүмдөрүнө таянуу керектигин кошумчалайт.

Жаңылыктар түрмөгү
0