Бүргөндүдөгү сугат системасынын курулушу эмки жылы соңуна чыгат

© Sputnik / Табылды КадырбековКыргызстандын айыл жашоочусу. Архив
Кыргызстандын айыл жашоочусу. Архив - Sputnik Кыргызстан
Жазылуу
Ирригациялык объектилерди куруу долбоорунун жалпы суммасы 486 миллион сомду түзөт. Анда Бүргөндүдөгү 3500 гектар дыйканчылык жерин иштетүү каралган. Курулуш иштери 2008-жылы башталып, республикалык бюджеттин эсебинен ишке ашууда.

БИШКЕК, 14-ноя. — Sputnik. Баткендин Кадамжай районундагы ирригациялык объектилердин курулушу жаңы жылга чейин толук аякташы керек. Мындай тапшырманы премьер-министр Темир Сариев өкмөттүн жыйынында Айыл чарба жана мелиорация министрлигине берди.

Анын айтымында, учурда орчундуу социалдык-экономикалык, ички жана тышкы миграцияны токтотуу, ошондой эле Кадамжай районундагы Бүргөндү аймагына калкты жайгаштыруу менен чек араны бекемдөө маселелерин чечүү зарыл.

"Аталган аймактын жашоочулары үчүн бардык керектүү шарт түзүү керек. Мында көп кабаттуу үйлөр, социалдык объектилер жана инфраструктура салынышы кажет", — деди Сариев.

Сариев Кыргызстанды "бизнес үчүн бейишке айландырууну" тапшырды
Өкмөт башчы бул маселелерди чечүүнү биринчи вице-премьер Аалы Карашевге тапшырды.

Ирригациялык объектилерди куруу долбоорунун жалпы суммасы 486 миллион сомду түзөт. Анда Бүргөндүдөгү 3500 гектар дыйканчылык жерин иштетүү каралган. Курулуш иштери 2008-жылы башталып, республикалык бюджеттин эсебинен ишке ашууда.

2010-жылы суу кампасы пайдаланууга берилген. Ал эми 2014-жылы үч чакырым келген магистралдык канал курулуп, 1650 гектар жерге сугаруучу жабдыктар орнотулган. Аталган объект 2016-жылы толугу менен аяктап, пайдаланууга берилиши керек.

Жаңылыктар түрмөгү
0