Мэрия "Келечек" жаңы конушундагы мыйзамсыз салынган эки дарбазаны түрттүрдү

© Sputnik / Александр Уткин / Медиабанкка өтүүЭкскаватор. Архив
Экскаватор. Архив - Sputnik Кыргызстан
Жазылуу
Айыл өкмөтүнүн маалыматы боюнча дарбаза курулган аянт уруксат берүүчү документсиз кеңейтилген. Мындан тышкары, ал жерге борбордук канализация үчүн суу түтүгү орнотулуусу каралган.

БИШКЕК, 4-ноя. — Sputnik. Жеке турак жай курулуш департаменти "Келечек" жаңы конушундагы муниципалдык жерге чейин салынып кеткен эки турак үйдүн дарбазасын түрттүргөнүн мэрия билдирди.

Мэрия Бишкектин чок ортосундагы мыйзамсыз курулушту түрттүрдү
Маалыматка ылайык, түрттүрүү иштери айыл өкмөтүнүн кайрылуусунун негизинде жүргүзүлгөн. Алардын айтымында, дарбаза курулган аянт уруксат берүүчү документсиз кеңейтилген. Мындан тышкары, ал жерге борбордук канализация үчүн суу түтүгү орнотулуусу каралган. 

Мыйзам бузуунун негизинде протокол түзүлүп, ал сотко жөнөтүлгөн. Материалдарды карап чыгып сот тийиштүү чечим кабыл алган.

Учурда дарбазалар түрттүрүлүп, жаңы конуштагы муниципалдык жер баштапкы абалга келтирилди.

Жаңылыктар түрмөгү
0