Мэрия жылуулук жетпеген жерлерди WhatsApp аркылуу аныктап жатат

© flickr.com / m-louis .®Жылуулук батареясы. Архив
Жылуулук батареясы. Архив - Sputnik Кыргызстан
Жазылуу
Мектептер менен бала бакчалардын 92 пайызы жылуулук менен камсыз болсо, ЖОЖдордун 63 пайызына гана жылуулук берилген.

БИШКЕК, 24-окт. — Sputnik. Бишкектин турак үйлөрү менен социалдык объектилеринин дээрлик бардыгы жылуулук менен камсыз болгонун шаардык мэрия билдирди.

Уюлдук телефондогу WhatsApp программасы. Архив - Sputnik Кыргызстан
Шаардыктар жыйналбаган таштанды тууралуу WhatsAPP аркылуу билдиришүүдө
Борбор калаада жылуулук 20-октябрдан тарта бериле баштаган. "Бишкекжылуулуктармагы" ишканасынын маалыматы боюнча, жылуулук менен медициналык мекемелердин 84 пайызы камсыздалса, бала бакчалардын 94,5 пайызына, мектептердин 87 жана турак үйлөрдүн 94,4 пайызына берилген. Ал эми жогорку окуу жайлардын 63 пайызы гана жылуу болуп турат.

Мэрия "Жылуулукэнергоремонт" ишканасы жылуулукту толугу менен бергенин белгилейт.

Ал эми жылуулуктун айрым жерлерде жок болушун шаардык муниципалитет батирлер менен жер төлөлөрдөгү жана жылуулук тармактарындагы бузулуулар менен түшүндүрүүдө. Мындан тышкары, системага кошулбаган үйлөргө жылуулук берилген эмес. 

"Учурда адистер калган пайдалануучуларды жылуулукка кошуу иштерин улантып, жылуулук системасындагы бузулууларды жөнгө салууда", — деп айтылат билдирүүдө.

Бишкек мэриясы жылуулук боюнча бардык маселелер тууралуу маалымат 0550312011 WhatsApp номери аркылуу кабыл алына турганын белгилейт.

Жаңылыктар түрмөгү
0