Бүгүн Бишкекте эл аралык жана мамлекеттик уюмдар мектептеги рэкетти талкуулайт

Жазылуу
Балдар зомбулугу боюнча иш-чара Билим берүү жана илим министрлигинин, ЮНИСЕФтин, Акыйкатчы институтунун жана "Балдар укугун коргоо лигасы" коомдук фондунун демилгеси менен өтүп жатат.

БИШКЕК, 22-окт. — Sputnik. Борбор калаада бүгүн Кыргызстандын мектептериндеги зомбулукту алдын алуу маселелери талкууланат. Бул туурасында ЮНИСЕФтин коомчулук менен байланыш боюнча адис Мавлюда Жапарова билдирди. 

Талкууда "Зомбулуксуз мектеп" тарбиялык иш программасынын алкагында жүргүзүлгөн көз карандысыз баалоонун жыйынтыктары жарыяланат. Бул баалоо көрсөткөндөй, окуучулар жана мугалимдер зомбулук көйгөйлөрүн ачык жана кеңири талкуулап, зомбулукка көмөкчү болгон факторлорду тереңирээк түшүнүп, аларды алдын алуу үчүн аракеттер башталды. 

"Баалоодо келтирилген тыянактар аны институционалдаштырууга жетиштүү негиз берет. "Зомбулуксуз мектеп" программасын мектептердеги зомбулукту болтурбоо жана коопсуз билим берүү чөйрөсүн түзүү максатында аны баштапкы модель катары колдонулат. Республикадагы бардык мектептердин ишине аталган программаны киргизүү үчүн бул процестти легитимдүү жана ийгиликтүү кылуу мүмкүнчүлүктөрүн көрсөтөт", — деп билдиришти ЮНИСЕФтин коомчулук менен байланыш бөлүмүнөн. 

Бул Билим берүү жана илим министрлигинин, ЮНИСЕФтин, Акыйкатчы институтунун жана "Балдар укугун коргоо лигасы" коомдук фондунун демилгеси менен өткөрүлүп жатат.

Жаңылыктар түрмөгү
0