ИИМ "Анапияевдин өлүмүнө күбө менен милиционер" түшкөн сүрөткө жооп берди

© пресс-служба федерации "Алыш"Криминалдык авторитет Алмамбет Анапияеа. Архив
Криминалдык авторитет Алмамбет Анапияеа. Архив - Sputnik Кыргызстан
Жазылуу
Криминалдык авторитет Алмамбет Анапияев ушул жылдын башында Минск шаарында өлтүрүлгөн. Анын жансыз денеси унаанын багаж бөлүгүнөн табылган. Жанында Алмазбек Шакиров аттуу россиялык жаранга берилген паспорту болгон.

БИШКЕК, 16-окт. — Sputnik. Ички иштер министрлиги мекеменин кызматкерлери криминалдык авторитет Алмамбет Анапияевдин өлүмүнө күбө болгон адамдын Кыргызстанга келишине эч кандай тиешеси жок экендиги тууралуу билдирүү таратты.

Анапияевдин өлүмүнө күбө болушу мүмкүн делген адамды Белоруссия ИИМи издейт
Facebook социалдык тармагына Москванын "Домодедово" аэропортунан тартылды делген сүрөттөр чыккан. Пайдалануучу Руслан Каралаевдин айтымында, ал сүрөттөрдө өлтүрүүгө күбө болгон Гүлжигит Абилазизов, анын жанында уюшкан кылмыштуулукка каршы башкы башкармалыктын жетекчиси Мирлан Каниметов жана дагы бир башкармалыктын башчысы Таалайбек Мамбетакунов, ошондой эле Абилазизовдун тууганы Жанышбек Гаипов тартылган.

Буга чейин Абилазизовду Москвадан Кыргызстанга ИИМ кызматкерлери коштоп келгени тууралуу айтылган. Ал эми министрлик бул кызматкерлер Москвага өз иштери боюнча министрдин орун басарынын уруксаты менен барганын маалымдаган. 

ИИМ Абилазизов менен милиция кызматкерлеринин чогуу бир самолетто учуп келишин кокустук деп белгилейт.

"Интернет баракчаларына чыгып жаткан сүрөттөрдө кимдин ким экендигин анык таануу мүмкүн эмес. Анын үстүнө, тергөө Белоруссиянын укук коргоо органдары тарабынан жүргүзүлүүдө. Биз аларга тоскоолдук кылууга акыбыз жок", — деп айтылат билдирүүдө.

Беларусь тергөөчүлөрү Анипяевдин өлүмүнө байланыштуу КРге келүүгө ниеттенүүдө
2015-жылдын февраль айында Минск шаарында унаанын багаж бөлүгүндө криминалдык авторитет Алмамбет Анапияевдин сөөгү табылган. Ал АКШнын версиясы боюнча мурунку СССРден чыккан криминалдык топтун мүчөсү болгон. Анын өлтүрүлүшү боюнча кылмыш иши козголгон. 

Кыргызстандык маалымат каражаттарынын бир даары ИИМге шилтеме берүү менен кримавторитеттин өлтүрүлүшүнө Жаныш Бакиевдин тиешеси бар деген маалыматты жарыялап жиберишкен. Мындан улам президент Алмазбек Атамбаев Белоруссия бийлигине кайрылып, мурунку президент Курманбек Бакиевдин бир тууганын Кыргызстанга өткөрүп берүүнү талап кылган. 

Жаңылыктар түрмөгү
0