Чет элдик байкоочулар миссиясы шайлоонун жүрүшүнө баа берет

Жазылуу
Кечээ, 4-октябрь күнү Кыргызстандын тарыхында биринчи жолу жарандардын биометрикалык маалыматынын негизинде парламенттик шайлоо болду. Алдын ала жыйынтык боюнча, ага катышкан 14 партиянын алтоо 0,7 пайыздык босогодон өттү.

БИШКЕК, 5-окт. — Sputnik. Бүгүн, 5-октябрда Кыргызстандагы парламенттик шайлоого көз салуу үчүн келген чет элдик байкоочулардын тобу маалымат жыйын өткөрөт.

Саат 10.00дө Түрк тилдүү мамлекеттер кызматташтык уюмунун байкоочулар миссиясы шайлоонун өтүшүнө өз баасын берсе, саат 12.00дө КМШ мамлекеттеринин байкоочулары жыйын өткөрүп, журналисттердин суроолоруна жооп берет. 

Абдраимов: алты партиянын бардыгы тең 0,7%дык босогодон өттү
Саат 13.00дө ШКУ өлкөлөрүнүн байкоочулар миссиясы шайлоо туурасындагы пикири менен тең бөлүшүүсү күтүлүүдө. Түштөн кийин саат 14.00дө ЕККУ байкоочулары, парламенттик ассамблея, Европарламент, Европа кеңешинин парламенттик ассамблеясы маалымат жыйын өткөрөт.

Ал эми саат 12.00дө Борбордук шайлоо комиссиясынын төрагасы Туйгунаалы Абдраимов БШК маалымат борборунда журналисттер менен жолугуп, шайлоонун жыйынтыгы менен тааныштырат.

Кечээ, 4-октябрь күнү Кыргызстандын тарыхында биринчи жолу жарандардын биометрикалык маалыматынын негизинде парламенттик шайлоо болду. Алдын ала жыйынтык боюнча, ага катышкан 14 партиянын алтоо 0,7 пайыздык босогодон өттү.

Өлкөдө 2 миллион 671 миң 297 адам биомертикалык маалыматтарын тапшырып, шайлоого катышууга укук алган. Ал эми добуш берүүгө 1,5 миллион жарандын катышканы белгилүү болду.

Жаңылыктар түрмөгү
0