Балериналар Бишкекте шайлоо участокторунда операторлук кылып акча таап жатышат

© Sputnik / Эркин АлымбековОператорлук кылып акча таап жаткан Айдана Бакаева.
Операторлук кылып акча таап жаткан Айдана Бакаева. - Sputnik Кыргызстан
Жазылуу
Эки жума окугандан кийин балерина-оператор ушунча кыска убакытта шайлоону таптакыр жаңы эрежелер боюнча өткөрүүнү уюштурган канчалык чоң жумуш экенин түшүнгөн.

БИШКЕК, 4-окт. — Sputnik. Бишкектин №1001 шайлоо участкасында добуш берүүгө келген жарандарды идентификациялоочу эки оператор опера жана балет театрынын артисттери. 

Алардын бири Айдана Бакаева айлык маянасы аздыгынан кошумча иштеп акча табууга аргасыз экенин Sputnik кабарчысына айтып берди. 

"Кыргызстандын театрларында эмгек акысы 100 доллардан ашпайт. Ошондуктан, тааныштарым шайлоодо иштеп бир аз акча таап албайсыңбы деп сунушташканда биз дароо макул болдук", — дейт Бакаева. 

Ал оператор болордон мурун 15 күндүк окуудан өтүп, шайлоо алдында уюшулган башкы репетициядан өткөнүн белгиледи. 

© Sputnik / Эркин АлымбековШайлоо участогунда бир күн оператор болуп иштеп, ал өлкөдө шайлоо өткөрүү боюнча өз пикирин бир аз өзгөрттүм дейт
1/2
Шайлоо участогунда бир күн оператор болуп иштеп, ал өлкөдө шайлоо өткөрүү боюнча өз пикирин бир аз өзгөрттүм дейт
© предоставлено Айданой БакаевойАйдана 25 жашта. Балетти бала кезинен сүйөт. Кесипкөй катары театрда бийлегенине беш жыл болду.
2/2
Айдана 25 жашта. Балетти бала кезинен сүйөт. Кесипкөй катары театрда бийлегенине беш жыл болду.
1/2
Шайлоо участогунда бир күн оператор болуп иштеп, ал өлкөдө шайлоо өткөрүү боюнча өз пикирин бир аз өзгөрттүм дейт
2/2
Айдана 25 жашта. Балетти бала кезинен сүйөт. Кесипкөй катары театрда бийлегенине беш жыл болду.

Бакаеванын айтымында, ал өз кесибине байланыштуу чет мамлекеттерге көп чыккан, бирок өз мекенин сүйгөндүктөн ал жакта көпкө жүрө албайт. 

"Ошон үчүн Кыргызстандын көпчүлүк балериналары кошумча акча булагын издешет. Мен, мисалы, мектепте көркөм гимнастикадан да сабак берем", — деп айтып берди балерина-оператор. 

Шайлоо участогунда бир күн оператор болуп иштеп, ал өлкөдө шайлоо өткөрүү боюнча өз пикирин бир аз өзгөрттүм дейт. 

"15 күндүк окуу учурунда ушунча кыска убакытта шайлоону таптакыр жаңы эрежелер боюнча өткөрүүнү уюштурган канчалык көп жумуш экенин түшүндүм. Менимче, азыр добуш берүү процесси мүмкүн болушунча уюшулган түрдө өтүп жатат", — деди Бакаева. 

Айдана 25 жашта. Балетти бала кезинен сүйөт. Кесипкөй катары театрда бийлегенине беш жыл болду. Кытайдын, Казакстандын да сахналарына чыккан. Азырынча Айдананын Кыргызстандын аймагынын чыгып, чет жактарга кетүү ниети жок.

Кыргызстандагы шайлоонун жүрүшү тууралуу Sputnik агенттигинин онлайн-репортажынан көрүңүз>>

Жаңылыктар түрмөгү
0