БИШКЕК, 21-сен. — Sputnik. Премьер-министр Темир Сариев Жумгал районундагы мектеп окуучусунун өлүмүнө алып келген окуяны тыкыр иликтеп чыгуу тапшырмасын берди деп билдирди өкмөттүн маалымат кызматы.
Сариев окуучунун өлүмүн териштирүүнү социалдык тармакты көзөмөлдөгөн вице-премьер Дамира Ниязалиевага тапшырды.
"Бул окуя боюнча Билим берүү жана илим министрлиги менен Ички иштер министрлигинин өкүлдөрүнөн турган атайын комиссия түзүлүп, окуянын себептери жана ага жооптуу адамдар аныкталышы зарыл", — деп билдирди маалымат кызматы.
Сариев мектепте мындай окуялардын орун алышына жол бербөө зарыл экендигин белгилеген.
