БИШКЕК, 2-сен. — Sputnik. Билим күнү Нарын облусунун Кара-Булуң айылында 14 миллион 854 миң сомдук жаңы спорт комплекси ачылды. Бул туурасында өкмөттүн Нарын облусундагы өкүлчүлүгүнүн маалымат кызматы билдирди.
Ачылыш салтанатына Өзгөчө кырдаалдар министри Кубатбек Боронов, жергиликтүү калк, өкмөттүн Нарын облусундагы өкүлү Аманбай Кайыпов катышты.
Кайыпов элеттеги жалпы билим берүү мекемелеринде акыркы учурларда дене тарбия жана спортко шарттар түзүлө баштагандыгын айтты.
"Биз биринчи иретте балдардын ден соолугуна жана билимине көңүл бурушубуз керек. Спорт комплекстерден сырткары, жаңы мектептер да курула баштады. Жыл аягына чейин облус боюнча дагы беш мектеп пайдаланууга берилет", — деди ал.
Нарын облусу боюнча жалпы билим берүүчү 139 орто мектеп бар.
