Атамбаев "Датка-Кемин" линиясынын куруучуларына сыйлык берет

© Sputnik / Табылды Кадырбеков"Датка-Кемин" жогорку чыңалуудагы электр линиясынын курулушуна катышкандар
Датка-Кемин жогорку чыңалуудагы электр линиясынын курулушуна катышкандар - Sputnik Кыргызстан
Жазылуу
Президент бирдиктүү иш-аракеттердин натыйжасында эгемен Кыргызстандын биримдигин бекемдөө үчүн дагы бир максат ишке ашканын белгиледи.

БИШКЕК, 28-авг. — Sputnik. Өлкө башчы Алмазбек Атамбаев "Датка-Кемин" жогорку чыңалуудагы электр линиясынын курулушуна катышкандар сыйга татыктуу экенин билдирди.

Жума күнү президенттин катышуусу менен "Датка-Кемин" электр линиясын ишке киргизүү салтанаты болуп өттү. 

Өлкө башчы аталган ири долбоорду ишке ашырууга салым кошкондордун баарына ыраазычылык билдирди. Анын айтымында, мында Кыргызстандын энергетика кызматкерлеринин жана "ТВЕА" кытай компаниясынын жумушчуларынын эмгеги чоң.

"Электр линиясын ишке ашырууда жергиликтүү бийликтин жана бардык ыңгайсыздыктарга түшүнүү менен мамиле кылган жашоочулардын орду чоң", — деди президент.

Атамбаев: эки жылда Камбар-Ата-2 менен Жогорку-Нарын каскадынын 1-ГЭСин бүтүрүү зарыл
Атамбаев бирдиктүү иш-аракеттердин натыйжасында эгемен Кыргызстандын биримдигин бекемдөө үчүн дагы бир максат ишке ашканын белгиледи.

Өлкө башчы 15-сентябрга чейин мамлекеттик наам берүү үчүн аталган курулушка ири салым кошкон жарандарды сунуштоо боюнча тийиштүү мекемелерге тапшырма берди.

"Датка-Кемин" жогорку чыңалуудагы электр линиясын куруу иштери 2012-жылы башталган. Узундугу 405 чакырымды түзгөн долбоордун жалпы суммасы 390 миллион долларды түздү.

Жаңылыктар түрмөгү
0