Фестивалдын негиздөөчүсү: "Мейкин Азия" өлкөнүн туристтик мүмкүнчүлүгүн кеңейтет

Жазылуу
Раев мындай масштабдуу иш-чара буга чейин өткөрүлбөгөнүн белгилеп, фестиваль бүтүндөй Борбордук Азия үчүн маанилүү окуяга айланарына ишеним артты.

БИШКЕК, 24-июль — Sputnik. "Мейкин Азия" фестивалынын автору жана негиздөөчүсү Султан Раев Sputnik агенттигине музыкалык майрам өткөрүүнүн максатын айтып берди.

Анын айтымында, фестиваль уюштурууга аны Кыргызстандын ажайып табияты менен кереметтүү Ысык-Көл шыктандырган.

"Аймакта мындай масштабдуу иш-чаралар өткөн эмес. "Мейкин Азия" бүтүндөй Борбордук Азия үчүн маанилүү окуяга айланат деп ишенем", — деди Раев.

Ал быйыл фестиваль географиясын кеңейтип, өнөрпоздорду 20 мамлекеттен чакырганын белгиледи.

"Музыкалык майрамдын шары менен Кыргызстандын кооздугун дүйнө жүзүнө жар салууну эп көрдүк. Мамлекеттин туристтик потенциалын көтөрүү зарыл, ал эми фестиваль буга мыкты өбөлгө болот", — деди жазуучу.

Раев ушул максатта фестивалдын ишин чагылдырып, кенен жайылтуу үчүн ЖМК өкүлдөрү чакырылганын белгиледи. 

"Sputnik эл аралык агенттигине иш-чараны колдоп жатканы үчүн терең ыраазычылык билдирем", — деди экс-министр.

Эстрадалык аткаруучулардын эл аралык "Мейкин Азия" фестивалы Ысык-Көлдө, "Рух-Ордо" маданий борборунда өтүп жатат. Ага ар кайсы өлкөдөн келген 20 өнөрпоз катышууда.

Жаңылыктар түрмөгү
0