Министр: заман талабына жараша окуу китептери да өзгөрүп жатат

© Sputnik / Андрей Рудаков / Медиабанкка өтүүЭлектрондук китеп. Архив
Электрондук китеп. Архив - Sputnik Кыргызстан
Жазылуу
Жаңы стандарттар иштелип чыгып, текшерүүдөн өтүшү үчүн бир-эки жыл убакыт керек, мындан улам орус тилдүү мектептер коңшу өлкөлөрдүн китептерин пайдаланууга муктаж дейт министр.

БИШКЕК, 21-июль — Sputnik. Учурда республикадагы мектептер окуу китептери менен 75 пайызга камсыздалганын Билим берүү жана илим министри Элвира Сариева 2015-жылдын биринчи жарым жылдыгынын жыйынтыгы боюнча өткөн коллегия жыйынынын учурунда билдирди.

Министрдин айтымында, акыркы жылдары китептердин саны, аталышы жана абалы боюнча маалыматтар жаңыланган эмес.

"Так маалымат алуу үчүн китеп чыгаруу боюнча атайы адисти тарттык. Ал бардык мектептердин китепканаларынан маалымат чогултуп, орто эсеп боюнча мектептер китеп менен 75 пайызга камсыздалганын аныктады. Эми бул жылы кайсы китептерди басып чыгарууга тапшырык берүү керектиги белгилүү болду", — деди Сариева.

Министр муну менен катар орус тилдүү мектептерде китеп жетишпей турганын белгилеп өттү.

"Азыр заман талабына ылайык, программага жаңы сабактар кирүүдө. Ошон үчүн алар боюнча биз 1-11-класстар үчүн  китептерди заказ кылабыз. Бул мектептеги билим берүүнүн жаңы системасы болот. Жаңы стандарттар иштелип чыгып, текшерүүдөн өтүшү үчүн бир-эки жыл убакыт керек. Ошондуктан орус тилдүү мектептер коңшу өлкөлөрдүн китептерин пайдаланууга муктаж", — деди министр.

Сариева колдонуудагы китептердин электрондук версиясын чыгарууга уруксат берген авторлор менен ийгиликтүү кызматташуу жүрүп жатканын кошумчалады. 

Учурда Улуттук китепкананын алдында "Сорос-Кыргызстан" фондунун колдоосу менен тарых, математика, адабият жана башка сабактар боюнча окуу китептери жайгаштырылган Улуттук билим берүү ресурстарынын ачык репозиторийи түзүлүп жатат.

Жаңылыктар түрмөгү
0