Алматы – Чолпон-Ата жолу курулса, казакстандыктар көлгө 2,5 саатта келе алат

© Пресс-служба правительства / Сабыр АильчиевТемир Сариев Казакстандын премьер-министри Карим Масимов менен Чолпон-Ата шаарында болгон жолугушуусунда.
Темир Сариев Казакстандын премьер-министри Карим Масимов менен Чолпон-Ата шаарында болгон жолугушуусунда. - Sputnik Кыргызстан
Жазылуу
Аталган жол курулса, Казастандан Ысык-Көлгө чейинки аралык 250 чакырымды түзөт.

БИШКЕК, 20-июль — Sputnik. Алматы – Чолпон-Ата жолу курулса, казакстандыктар көлгө 2,5 саатта келе аларын Темир Сариев Казакстандын премьер-министри Карим Масимов менен Чолпон-Ата шаарында болгон жолугушуусунда билдиргенин өкмөттүн маалымат кызматы маалымдады.

Сариев учурда Алматы – Тамчы аба каттамы бар экенин айтып, бул аздык кыларын белгиледи.

"Биз Алматы – Тамчы жолун курушубуз керек. Бул жол Кемин, Михайлов аркылуу өтөт. Биздин органдарга бул маселени иштеп чыгууну тапшыруу керек. Биз тараптан Кеминге чейинки жол курулган. Бул жол курулуп кала турган болсо, анын узундугу 250 чакырым болуп, казакстандыктар Ысык-Көлгө 2,5 саатта эле келе алат", — деди Сариев.

Карим Масимов тийиштүү мамлекеттик органдарга аталган жолдун курулушун тездетүү боюнча тапшырма берди.

"Бул жакшы жол болот деп ишенем. Ал аркылуу эл жөө өтүп, Кыргызстандын кооздугун көрө алышы үчүн өкмөттөр аралык тийиштүү макулдашууга кол коёбуз", — деп кошумчалады казак премьери.

Жолугушууда тараптар эки мамлекеттин көйгөйлүү маселелерин талкуулашты.

Жаңылыктар түрмөгү
0