Бишкекте өткөн оюндун жыйынтыгы: айып пулдан күйөрмансыз футболго чейин

© Sputnik / Табылды КадырбековКыргызстан-Австралия беттешүүсү. Архив
Кыргызстан-Австралия беттешүүсү. Архив - Sputnik Кыргызстан
Жазылуу
Футбол федерациясы күйөрман менен болгон окуяны FIFA жөн койбой турганын белгилөөдө.

БИШКЕК, 19-июнь — Sputnik. Эл аралык футбол федерациясы Бишкекте өткөн Кыргызстан-Австралия беттешүүсүндөгү күйөрмандын оюн талаасына чуркап чыгышы боюнча КРнын футбол федерациясына карата санкция киргизе турганын Sputnik агенттигине федерациянын маалымат катчысы Теңгелбес Мусаев билдирди.

16 июнда эки кураманын беттешүүсүнүн экинчи таймында Кыргызстандын курама командасы атаандаштын дарбазасына гол киргизген. Кубанычын жашыра албаган кыргызстандык күйөрман оюн талаасына трибунанын түндүк-батыш жагынан чуркап чыккан. Федерация кызматкерлери аны токтотуп, чыгарып жиберишкен.

"FIFA аталган күйөрман боюнча же уюштуруу иштериндеги башка мүчүлүштүктөр үчүн санкция киргизип же киргизбей турганы уюмдун комиссарынын жыйынтыгынан көз каранды. Бирок, жогорудагы окуя көз жаздымда калбайт. Сөзсүз түрдө жаза берилет", — деди маалымат катчы.

Мусаев санкция айып пул төлөөдөн тартып оюндарга мындан ары көрүүчүнүн келүүсүнө тыюу салынышына чейин болушу мүмкүн экенин кошумчалады.

Жаңылыктар түрмөгү
0